Создайте подобный сайт на WordPress.com
Начало работы

Հոգատար գարուն. ցուցահանդես-հանգանակությունը Հարավային դպրոցում

Ապրիլի 2

Հոգատարություն նախագծի շրջանակներում ապրիլի 2-ին Հարավային դպրոց-պարտեզում կայացավ ցուցահանդես-վաճառք, որի ընթացքում ցուցադրվեցին և վաճառվեցին երեխաների պատրաստած տեխնոլոգիական աշխատանքները և նկարները: Ուրախալի էր այն փաստը, որ շատ երեխաներ հետաքրքրված էին ոչ միայն իրենց, այլև իրենց ընկերների պատրաստած աշխատանքներով և ջանում էին ձեռք բերել դրանք իրենց մայրիկներին կամ փոքր քույր-եղբայրներին նվիրելու համար: Ցուցահանդես-վաճառքին ներկայացված էին կավից պատրաստված կուլոններ, տիկնիկներ, զատկական դեկորներ, նկարներ, ինչպես նաև քոլեջի ուսանողների պարտաստած գինիները՝ նկարազարդված երեխաների ձեռքերով: Վաճառքից ստացված ողջ հասույթը տրամադրվելու է Ասկերանի Համբարձումյանների ընտանիքին՝ իրենց նոր տան կառուցման աշխատանքներն ավարտին հասցնելու համար:

Նախագիծ. Տիեզերքի նվաճման օրը Հարավային դպրոցում

Օրը՝ Ապրիլի 12

Ապրիլի 5-12-ի նախագծեր

Ընթացքը՝ 1. Համագործակցային նախագիծ. Թատրոն+ Դիզայն 1.Դիզայնի Ընտրությամբ խմբի 4-5-րդ դասարանների սովորողները պատրաստում են մոլորակների փոքրիկ մակետ-խաղալիքներ, իսկ Թատրոնի Ընտրությամբ խմբի սովորողները ղեկավար՝ Էլիզաբեթ Ադիկյանի օգնությմաբ բեմադրում են ուսումնաճանաչողական տիկնիկային ներկայացում 5 տարեկանների խմբի համար: 2. Դիզայնի Ընտրությամբ խմբի 1-3-րդ դասարանների սովորողները ստեղծում են են «Տիեզերքը մեր աչքերով» նկարներ օգտագործելով տարբեր նյութեր՝ թուղթ, պլաստիլին, թելեր, ջրաներկ, գուաշ, գունավոր թղթեր, քարեր, կոճակներ, ուլունքներ: Ստեղծված աշխատանքներով կազմակերպում ենք բացօթյա ցուցահանդես:

Նպատակը՝

. Ուսումնաճանաչողական

. Ընթացքում երեխաները կծանոթանան Արեգակնային համակարգին, մոլորակների առանձնահատկություններին

. Երևակայության և ձեռքի հմտությունների զարգացում

. Աշխարհայցքի ընդլայնում

Անհրաժեշտ նյութեր՝ թուղթ, մատիտներ, գուաշ, ջրաներկ, վրձիններ, պլաստիլին, քարեր, թելեր, սոսինձ, մկրատ, գունավոր ֆետրեր, սինտեպոն, կոճակներ, ուլունքներ, թել, ասեղ:

Ամփոփումը՝ ֆոտոների տեսքով, ստեղծված խաղալիք-կերպարներով թատերական ներկայացման բեմադրում, նկարներով՝ բացօթյա ցուցահանդեսի կազմակերպում: